Laurdag 24.september inviterer kommunen til innflyttingsfest i nye lokale på Straume
Laurdag 24.september inviterer kommunen til innflyttingsfest i nye lokale på Straume
Klokken 16 kan du få høyre Halvor Folgerø fortelja om livet på farlege vegar
Klokken 16 kan du få høyre Halvor Folgerø fortelja om livet på farlege vegar
Scenekunstnar Maria Rønhovde kjem med framsyninga "Fast i plast" til dei nye lokala på Straume
Scenekunstnar Maria Rønhovde kjem med framsyninga "Fast i plast" til dei nye lokala på Straume

Inviterer til innflyttingsfest

av Gro
31.08.22
Hjarteleg velkommen til store og små!

Innbyggartorg og bibliotek avdeling Straume har flytta inn i nye, flotte lokale i 3. og 4. etasje i Sartor Storsenter. Dette må vi feire, og vi ynskjer å invitera deg til vår innflyttingsfest laurdag 24. september. Det vert program frå kl. 12 til kl. 17 – vi byr på teater for dei minste med scenekunstar Maria Rønhovde, presentasjon av bøker som er nominerte til Bibliotekets litteraturpris, og tale av varaordførar Torill Selsvold Nyborg med lett servering og musikk. Så blir det konsert med bandet Barfødt, og til slutt får vi høyre journalist, musikar og forfattar Halvor Folgerø  fortelje om livet på farlege vegar.

 

Program for dagen:

Kl. 12.00: «Fast i plast» med scenekunstnar Maria Rønhovde for dei minste lånarane våre.

Kl. 13.00: Litterære smakebitar frå Bibliotekets litteraturpris. Dei ti nominerte bøkene vert presenterte av to av bibliotekarane våre.

Kl. 14.00: Offisiell opning av dei nye lokala. Varaordførar Torill Selsvold Nyborg talar og kulturskulekoret syng. Det vert enkel servering.

Kl. 15.00: Barfødt speler irsk folkemusikk.

Kl. 16.00: Halvor Folgerø held føredraget «Vestlandsvegar-om livet på farlege vegar».

Dagen vert avrunda  kl. 17.00.